「 的 士 神 相 」 車 內 算 命 原 子 鏸 Kawaii 都 話 掂
 ▲ 「 吼 ！ 我 叫 Tiger ！ 」 |
你 有 冇 諗 過 搭 的 士 時 ， 司 機 會 幫 你 睇 相 呢 ？ 《 便 利 》 同 事 保 羅 就 試 過 搭 的 士 時 竟 巧 遇 有 「 的 士 神 相 」 之 稱 o既 司 機 Tiger 。 佢 把 炮 到 只 要 o係 倒 後 鏡 打 量 乘 客 樣 貌 ， 就 可 以 推 算 對 方 o既 運 程 。 保 羅 都 大 讚 話 ： 「 佢 講 我 身 體 唔 好 ， 事 業 同 屋 企 運 程 直 頭 有 九 成 準 呀 ！ 」 而 曾 經 係 Tiger 乘 客 o既 港 姐 原 子 鏸 同 港 台 DJ Kawaii 都 話 Tiger 掂 呀 ！
|
| 批 中 港 台 DJ Kawaii 事 業 運 |
|---|
熱 情 親 切 ， 曾 獲 選 「 禮 貌 運 動 香 港 大 獎 」 以 及 「 2000 年 旅 客 眼 中 最 佳 優 質 的 士 司 機 」 名 銜 o既 Tiger ， 雖 然 正 職 係 的 士 司 機 ， 不 過 平 時 只 要 遇 上 佢 認 為 是 有 「 有 緣 人 」 的 乘 客 ， 就 會 主 動 免 費 o係 倒 後 鏡 幫 客 睇 相 ， 當 中 重 不 乏 明 星 演 員 添 ！ 港 姐 原 子 鏸 就 係 其 中 一 位 有 緣 人 啦 ！ 當 小 記 跟 呢 位 鬼 妹 仔 提 起 「 的 士 神 相 」 ， 佢 好 興 奮 咁 話 ： 「 我 好 記 得 o個 次 坐 佢 車 ， 佢 話 我 未 來 會 係 個 好 成 功 o既 artist ， 比 媽 咪 （ 鄭 佩 佩 ） 更 加 成 功 添 ！ 我 都 信 o架 ！ 希 望 係 真 啦 ！ 」 而 曾 經 被 贈 幾 句 o既 港 台 DJ Kawaii 亦 大 讚 Tiger 奇 準 呀 ！ Kawaii 話 ： 「 幾 年 前 佢 同 我 講 話 一 、 兩 年 內 事 業 會 有 起 色 ， 點 知 年 幾 後 ， 我 真 係 正 式 做 o左 主 持 ， 全 部 俾 佢 講 中 晒 呀 ！ 」 唔 講 唔 知 ， Tiger 重 幫 過 姚 瑩 瑩 、 李 珊 珊 睇 相 ， 不 過 小 記 就 搵 唔 到 佢 o地 回 應 。
 ▲ 原 子 鏸 |
 ▲ 港 台 DJ Kawaii |
| 43 歲 做 全 職 相 士 |
|---|
因 乜 Tiger 咁 熱 衷 幫 人 睇 相 呢 ？ 原 來 Tiger 自 小 受 母 影 響 而 對 玄 學 產 生 濃 厚 興 趣 ， 自 此 便 與 掌 相 風 水 結 下 不 解 緣 。 Tiger 重 話 ： 「 我 鍾 意 邊 架 駛 的 士 邊 睇 相 ， 一 來 我 鍾 意 周 圍 去 ； 二 來 我 鍾 意 觀 人 於 微 ， 令 我 可 以 幫 唔 同 人 睇 相 ， 提 醒 下 佢 o地 呢 ！ 」 Tiger 說 在 的 士 睇 相 是 免 費 ， 但 當 客 人 要 求 攞 咭 片 再 仔 細 睇 時 才 收 錢 ！ Tiger 甚 至 打 算 兩 年 後 放 棄 做 的 士 司 機 ， 開 鋪 做 全 職 玄 學 家 添 ！
 |
 ▲ Tiger o既 的 士 內 並 冇 想 像 中 咁 「 滿 天 神 佛 」 ， 佢 只 掛 o左 個 「 乾 坤 寶 照 圖 」 以 保 平 安 ， 另 外 佢 重 將 自 己 刊 登 於 《 天 天 日 報 》 o既 專 欄 放 在 車 內 供 乘 客 閱 讀 。 |
| 妙 指 算 乘 客 破 財 、 有 情 劫 |
|---|
多 年 睇 相 經 驗 ， Tiger 當 然 幫 過 不 少 人 「 趨 吉 避 凶 」 啦 ！ 佢 話 ： 「 記 得 有 個 人 38 歲 行 緊 大 運 ， 但 我 算 到 佢 39 歲 可 能 破 產 ， 所 以 我 提 醒 佢 投 資 要 小 心 ， 最 好 儲 定 錢 買 保 險 。 最 後 好 彩 佢 都 聽 我 話 ， 不 至 於 輸 晒 成 副 身 家 o丫 ！ 」
講 到 14 年 o既 的 士 生 涯 ， Tiger 道 出 一 件 難 忘 事 。 話 說 Tiger 載 過 位 眼 神 滿 帶 屈 氣 o既 熟 客 ， 就 已 經 心 知 對 方 有 感 情 煩 惱 … … 「 佢 同 緊 一 個 自 己 根 本 都 唔 鍾 意 o既 有 婦 之 夫 拍 拖 ， 點 知 個 男 人 威 脅 佢 若 然 分 手 就 會 姦 殺 個 女 仔 o既 家 人 … … 」 「 的 士 神 相 」 妙 指 一 算 知 道 呢 位 女 熟 客 有 機 為 情 自 殺 ， 就 慌 忙 向 對 方 說 ： 「 你 要 化 劫 就 一 定 要 移 民 離 開 呢 個 男 人 … … 」 如 今 呢 位 熟 客 已 經 銷 聲 匿 蹟 ， Tiger 無 奈 話 ： 「 希 望 佢 真 係 移 o左 民 啦 ！ 」
 ▲ Tiger 曾 接 受 《 今 日 睇 真 D 》 訪 問 ， 圖 為 Tiger 家 人 與 主 持 林 建 明 合 照 。 另 外 Tiger 笑 謂 ： 「 我 娶 老 婆 （ 左 ） 時 冇 理 佢 旺 唔 旺 我 o架 ， 正 所 謂 『 愛 情 一 到 ， 智 慧 奔 跑 』 嘛 ！ 」 |
| Tiger 真犀利！ |
|---|
「 的 士 神 相 」 單 憑 小 記 面 相 以 及 一 句 說 話 就 推 測 到 小 記 家 姐 的 面 相 ， 命 中 率 100 ％ ， 都 算 厲 害 ， 不 過 玄 學 風 水 之 說 始 終 因 人 而 異 ， 信 則 有 ， 不 信 則 無 ， 若 你 自 問 八 卦 ， 下 次 搭 的 士 若 然 撞 見 Tiger ， 不 妨 叫 佢 贈 你 兩 句 ！
| 「 的 士 神 相 」 Y2K 下 半 年 大 預 測 |
|---|
係 咪 好 懷 疑 「 的 士 神 相 」 有 冇 咁 勁 呢 ？ 所 以 小 記 就 即 刻 俾 o左 呢 個 大 預 測 考 考 Tiger ， 如 果 唔 信 就 快 o的 記 住 以 下 個 預 測 結 果 ， 睇 下 佢 有 幾 準 啦 ！
娛 樂
1. 黃 日 華 、 梁 潔 華 唔 會 離 婚
「 黃 日 華 眼 神 犀 利 ， 絕 對 唔 會 俾 機 會 太 太 有 第 三 者 ， 所 以 佢 o地 應 唔 會 為 此 事 離 婚 。 」
2. 「 東 芝 戀 」 唔 過 2001 年
「 東 東 眼 神 太 露 ， 所 以 孩 子 氣 太 重 ， 跟 張 柏 芝 不 拘 小 節 （ 眉 陽 ） o既 性 格 唔 夾 ， 所 以 最 終 應 係 張 提 出 分 手 。 」
3. 「 王 鋒 戀 」 可 維 持 兩 年
「 雙 方 眼 神 懾 人 ， 彼 此 都 十 分 投 入 呢 段 感 情 ， 預 計 戀 情 可 維 持 兩 年 ， 如 果 唔 結 婚 可 能 會 長 久 一 點 。 」
4. 容 祖 兒 會 惹 緋 聞
「 佢 雙 眼 開 始 呈 現 桃 花 ， 將 快 惹 上 緋 聞 。 」
電 影 票 房 預 測
《 孤 男 寡 女 》 V.S. 《 小 親 親 》
「 《 孤 男 寡 女 》 應 會 有 較 高 票 房 ， 因 『 男 』 字 及 『 女 』 字 都 代 表 有 收 成 ， 而 劉 德 華 氣 色 好 、 眼 神 有 信 心 又 當 旺 。 」
樓 市
夏 天 樓 價 會 微 升 ， 主 要 旺 豪 宅 、 黃 埔 花 園 、 麗 港 城 等 等 ， 不 過 到 明 年 2 月 樓 價 會 跌 。
股 市
8 月 後 會 愈 o黎 愈 好 ， 有 機 會 上 到 1 萬 8 千 點
a. 和 黃 （ 0013 ） ： 聖 誕 期 間 有 機 會 升 至 $120
b. 滙 豐 （ 0005 ） ： 聖 誕 期 間 有 機 會 升 至 $110
c. 壹 傳 媒 （ 0282 ） ： 秋 天 後 可 能 會 升 至 $2 ， 通 常 下 雨 天 會 升 。
資料轉載於 一本便利439期 2000年6月27日